Жена се обидува да киднапира две деца на аеродром (ВИДЕО)

Естер Даниелс (26) е уапсена на аеродромот во Атланта поради обид да киднапира две деца.

Снимките од надзорните камери покажуваат како Даниелс се прикрадува до количката на мајката и се обидува да ја оттурне. Кога тоа не ѝ успева, Естер го крева другото дете и се обидува да избега со него. Во тој момент се појавува маж кој успева да ѝ го одземе детето.

Полицаецот кој им притрчува на помош ја фаќа Даниелс, која почнува да бега од аеродромот. Таа е приведена во полициската станица. Во полицискиот извештај се наведува дека жената е во лоша психичка состојба.

„Не успеавме да ги разбереме нејзините зборови. Се чини дека е во лоша психичка состојба“, велат од полицијата.