Вучиќ за терористите од „Диво насеље“: Убија македонски полицајци а имаа државни почести

Претседателот на Србија Александар Вучиќ во вчерашната емисија „Кирилица “ потсети на настаните во кумановската населба Диво Насеље. Тој објави слики на како што ги нарече вистински терористи кои и покрај убиството на осуммина македонски полицајци биле погребани со највисоки почести.

– Ова се слики од пред осум години кога беа убиени осуммина македонски полицајци. Ги убиле вистински терористи од Косово, 14 од нив загинале. Тоа се таканаречените државни погреби во Спортската сала во Приштина. Таму беше и Иса Мустафа. Ова е споменикот на Риза Бег во Приштина. Погледнете го тоа, и тие некому му кажуваат нешто. Не само што имаше денови на жалост, туку беа подигнати и споменици. Тогаш беа убиени осум полицајци, а тие не беа терористи, туку следеше општа амнестија. За нас важат посебни правила. Ќе продолжи да важи додека еден ден некој не го признае Косово или нема да има поголем пресврт во светот, рече Вучиќ вчера на ТВ Хепи.

Српскиот претседател во интервју за Си-ен-ен рече дека Србија е секогаш за преговори, но дека другата страна (Косово) не прави ништо во врска со тоа. Ги обвини косовските власти за малтретирање и апсење на српското население во Косово. Тој рече дека го осудува убиството на косовскиот полицаец, но дека треба да се разбере и српското население, кое, како што објасни, морало да се брани.