Сашо Мијалков стана шофер

Поранешниот началник на УБК, Сашо Мијалков, е вработен како возач во струшкиот затвор, пишува ИРЛ. Мијалков веќе 11 месеци е во затвор во Струга. Истата година, во август, почнал да ја отслужува тригодишната затворска казна за случајот „Империја“.

Сашо Мијалков одлучил да не се вработи, но изразил желба да помага во секојдневните работни активности на затворот на позиција возач.

– Сашо Мијалков се уште ја издржува казната затвор во наведената установа, но истиот не е работно ангажиран надвор од установата, туку е ангажиран од страна на казнено – поправната установа за свои потреби како возач, работна задача која и во други казнен-поправни установи зависно од потребите, може да биде доделена на осудени лица кои имаат отворен третман во процесот на ресоцијализација, одговориле за ИРЛ од Управата за извршување на санкции.

Струшкиот затвор е од отворен тип и има капацитет од вкупно 60 лица. Минатата година таму казна затвор издржувале 51 лице. За нив се грижат 20 вработени, од кои 12 се затворска полиција. Тројца вработени се во секторот за ресоцијализација, потоа директорот и неговиот заменик, инструктор во кујна, архивар, технички секретар, едно лице во матична служба и еден правник.

Во установата има двор со клупи, теретана со импровизирани справи и маса за пинг-понг.