Почина баба Марија – Наследи милион долари, а живееше во куќа од кал

Бабата Марија Златиќ(86) од село близу Бољевац, која после смртта на мажот наследи милион австралиски долари, почина во беда во трошната куќичка од кал. Луѓето кои ја чувале и со кои имала потпишано договор за доживотна издршка, го пронашле нејзиното тело на кревет.

Наследниците на нејзиното богатство и биле лути што својата животна приказна ја споделила со медиумите.

-Таму каде наскоро ќе одам, парите не ми требаат, затоа ги подарив. Парите ги дадов на луѓето кои ме чуваат. На нив тие пари им се попотребни, а јас и онак не знам колку е тоа. Мене ми се доста моите осум илјади денари, колку што е мојата земјоделска пензија- рекла бабата милионерка, на почетокот на годинава.

Проблемите почнале кога се дознало дека наследила 940.000 австралиски долари.

-Откако го доби наследството, се појавија многубројни други наследници кои тврдеа дека го поседуваат тестаментот на нејзиниот маж Момчило- рекле соседите.

Луѓето кои ја чувале баба Марија во меѓувреме подигнале поголем дел од парите. Единствено на Марија парите не и биле важни.

Баба Марија е погребана вчера.