Од утре облачно, со дожд и грмежи

Зголемена облачност и појава на локален дожд со ретки грмежи, претежно во попладневните часови ќе има утре и задутре во Македонија.

Како што информира Управата за хидрометеоролошки работи, за време на викендот ќе биде претежно стабилно и топло. Можна е изолирана појава на краткотраен дожд во планинските подрачја.

В понеделник попладне се очекува позначителна дестабилизација на временската состојба со пороен дожд, грмежи и засилување на ветерот. Во вторник врнежите ќе престануваат и ќе дува засилен ветер од северозападен правец што ќе предизвика намалување на температурата за 5 до 10 степени во однос на претходните денови.