Москва предупреди на обиди за дестабилизација на Македонија

Русија е загрижена поради влошувањето на политичката криза во Македонија и повикува на мирно решение, соопшти руското министерство за надворешни работи. „Загрижени сме во врска со извештаите на влошувањето на политичката конфронтација во Македонија и за судири кои се случија во Скопје“, се наведува во соопштението во кое се повикуваат „сите страни да се вклучат во политичкиот дијалог и да се воздржат од провокации на нови фази на кризата, која трае повеќе од една година“.

Министерството оценува, како што јавува агенцијата ТАСС дека „македонската опозиција уште еднаш стана инструмент на загревање, со поддршка од надвор, на внатрешен политички конфликт со цел попречување на предвремените избори закажани за 5 јуни 2016 кои претставуваат единствен демократски илегитимен начин за излез од продолжената криза.

„Одржувањето предвремени избори беше координирани во текот на летото 2015 година со активно учество на ЕУ и САД и западните партнери треба да се придржуваат до постигнат договори и обврски “, наведува руското министерството кое додава: „Користење на “украинскотo сценарио”, поттикнување на незаконски акции и државен удар од надвор, може да резултира со длабоко шокови во Македонија и да ја дестабилизира ситуацијата на Балканот во целост“.

Руското министерство за надворешни работи ги повика „сите политички сили и претставниците на меѓународната заедница на решавање на внатрешната ситуација во Македонија преку мирни средства со почитување на активностите и одлуките донесени од легитимните власти и раководството на Македонија.

Извор: Радио Слободна Европа