Мистериозната смрт на турската кралица на дијамантите: Како богаташката паднала од крузер, а сиот накит исчезнал?
Познатата турска богаташка и златарка, претставничка и сопственичка на царството на скапоцен накит „Тифани“ во Турција, загинала на речиси бизарен начин, кон крајот на октомври на крстарење, а решението на мистеријата за нејзината необична смрт не е во доглед.
71-годишната Дилек Ертек, богата госпоѓа во поодминати години, но сè уште привлечна и многу негувана жена, загинала на 26-ти октомври на скапо и егзотично крстарење кога паднала од крузер на Тахити.
Турските медиуми со нејзината смрт се занимаваат веќе со денови, а приказната станала многу читана и во западните медиуми, па со неа се позанимавал еден од најтиражните таблоиди „Дејли Мејли“.
Турскиот весник „Daily Sabah“ пишува дека нејзиното семејство барало од полицијата да го истражи и нејзиниот љубовник од Швајцарија со кој тргнала на луксузното крстарење.
Нејзиниот син – Гокче Атук, за британски „Дејли Мејли“ изјавил дека е чудно што скапоцениот накит исчезнал од сефот во кабината во која неговата мајка била сместена на бродот, а уште почудно е тоа што љубовникот нејзиното исчезнување го пријавил дури 20 часа подоцна.
И форензичарите биле збунети бидејќи не им било јасно како толку ситна жена од само 157 центиметри успеала да падне преку ограда висока еден метар.
Во меѓувреме, потрагата по неа е сопрена бидејќи е неверојатно нејзиното тело да се пронајде после толку време.
Безбедносните камери наводно забележале како „една фигура“ паѓа во морето.
