ВИДЕО: Џихадистите за овој Бугарин нудат 45.000 евра

Исламската држава објавила дека дава 45.000 евра награда за главниот бугарски ловец на мигранти, кој лови илегални баратели на азил на границата со Турција.

Динко Валев и неговата банда одмаздници патролира на недостапната територија со тенкови, а понекогаш граничното подрачје околу градот Јамбол го пребаруваат јавајќи на коњи.

Кога ќе видат престапници, ги фаќаат и ги предаваат на полицијата.

Во својата земја станал толку славен што сега си дозволил и луксузен “Мерцедес С-Класа”, а повикан е да гостува и во реалното шоу “Големиот Брат”.

Седејќи во автомобилот, Валев рекол: “Фала му на Бога што добив можност да си го дозволам ова. Си посакувам возење без сообраќајни несреќи”, пишува британски The Sun.

Но, неговите дела го привлекуваат и вниманието на терористичките групи, кои сега ја сакаат главата на овој 29-годишен Бугарин.

Бугарските безбедносни служби го предупредиле Валев дека е главна мета, откако се појавиле неговите фотографии со фатените мигранти.

Исламската држава во својата порака го нарекува “лидер на паравоена единица која оперира на турско-бугарската граница заедно со уште десетина луѓе”.

Во пораката ветиле и награда, доколку со фотографија ја докажат неговата смрт.

Валев тврди дека прави сè во име на јавната служба и дека без фанови не би бил никој.

Бугарскиот одмаздник добил и поддршка од тамошниот премиер Бојко Борисов, кој рекол дека лично зборувал со Валев и му се заблагодарил.