Мексиканските власти го фатија синот на нарко-босот Ел Чапо во Кулијакан, град во северозападниот дел на земјата кој долго време беше домашна база на картелот Синалоа, изјавија тројца мексикански владини претставници. Официјалните лица, соопштија дека безбедносните сили го уапсиле Овид Гузман Лопез, син на Хоакин Гузман Лоера, озлогласениот криминалец познат како Ел Чапо.
Гузман Лопез е префрлен во воена база во Мексико Сити. По апсењето на синот на Ел Чапо, кој и самиот беше истакнат водач на картел, мексиканската влада се подготвува да прогласи победа во борбата против насилството. Во последните месеци во таа земја изби бран на насилство, кој се смета за најсмртоносен во поновата историја.
Вооружените банди одговорија на рацијата наредена од владата со палење возила и блокирање на главните патишта што водат надвор од градот. Видеата на социјалните мрежи покажуваат запалени автобуси и камиони. На Твитер се појавија голем број видеа на кои се гледа пукањето и полициската рација.
Пукањето се случило и во близина на аеродромот, од каде што на Твитер потврдиле дека е затворен од безбедносни причини. Една авиокомпанија соопшти дека еден од нејзините авиони бил погоден од огнено оружје додека превезувал патници. Евидентирани се и киднапирања на автомобили.
„Кулиакан е опустошен“, рече официјалниот претставник. „Црвениот крст е распореден низ градот, како и пожарникарите.
Градоначалникот Хуан де Диос Гамез на Твитер потврди дека федералните вооружени сили спроведуваат операција во Кулијакан од зори.
Семејството Гузман има долга историја на бегство од мексиканските власти. Ел Чапо двапати избегал од затвор. Федералните обвинители во САД велат дека неговите синови помогнале да се организира неговото злогласно бегство од затворот со максимална безбедност во 2015 година преку тунел долг речиси два километри од тушот во неговата ќелија.
Американскиот адвокат на Гузман Лопез, Џефри Лихтман, кој исто така го застапуваше неговиот татко, одби да коментира за апсењето. Официјални лица на американското Министерство за правда, кое го обвини Гузман Лопез и еден од неговите браќа во 2019 година, одбија да коментираат дали обвинителите побарале екстрадиција.
Во октомври 2019 година, безбедносните сили извршија рација во Кулијакан, го приведоа синот на Ел Чапо, Гузман Лопез, а потоа го ослободија откако вооружени напаѓачи од картелот отворија оган со автоматски пушки низ градот, запалија автомобили и ги земаа безбедносните сили како заложници.
