Еден донор утрово спаси четири животи во Македонија, во еден ден трансплантирани срце, црн дроб и два бубрега (ФОТО)

Првпат во историјата на македонското здравство, утрово од еден дарител беа експлантирани четири органи во еден акт. Поточно беа трансплантирани срце, црн дроб и два бубрега.

-Благодарение на хуманоста на едно семејство, нивната љубов, добрина и емпатија која ја носат во себе, рано утрово ново срце почна да чука во градите на 40 годишен пациент од Скопје. Нова шанса за живот и црн дроб доби пациент со хронична црнодробна болест, а двајца пациенти на дијализа во текот на денот ќе добијат бубрези. Дополнително шанса за поквалитетен живот наредниве денови ќе добијат пациенти со коскени заболувања, информираат од Министерството за здравство.

Оттаму Министерството упатуваат уште еднаш благодарност до семејството на донорот кои со нивната несебична одлука донесоа утро полно надеж и верба во безусловна добрина.