Редовната физичка активност е цел за многумина, но во пракса често не успеваме. Но, важно е да започнете и, ако ви биде полесно, вашата почетна цел не треба да биде премногу амбициозна. На пример, ако одлучите да трчате, само 15 минути дневно ќе бидат доволни за да направите многу за вашето тело и вашето здравје.
Најчесто можеме да ги одвоиме тие 15 минути дневно, а голема е веројатноста „апетитот“ за трчање да ви расте со текот на времето, пишува „Задовољна.хр“.
Подолу се седум здравствени придобивки што ќе ви ги донесат само 15 минути трчање дневно.
Ќе го подобрите здравјето на срцето
Трчањето ја зајакнува работата на вашите срцеви мускули и бели дробови – го зајакнува срцето и го зголемува капацитетот на белите дробови. Со текот на времето, полесно ќе ги совладате другите активности, како што се качување по скали или одење до некоја подалечна дестинација.
Ќе ви биде полесно да го држите нивото на стрес под контрола
Трчањето е активност која помага да се намалат хормоните на стрес и во исто време го стимулира производството на хормони кои придонесуваат за опуштање и позитивно расположение.
Ќе учите побрзо нови работи и подобро ќе паметите
Редовното трчање позитивно ќе влијае на деловите од вашиот мозок одговорни за меморијата и размислувањето.
Ќе ви помогне да изгубите тежина
Ако ги задржите вашите сегашни навики во исхраната, џогирањето по 15 минути секој ден ќе согорува доволно калории за да изгубите околу половина килограм месечно. Секако, за поголеми загуби се потребни посериозни активности и намален внес на калории.
Ќе ги зајакнете коските
Со возраста, може да дојде до губење на густината на коските, што исто така може да доведе до остеопороза. Вежбите како трчање имаат позитивно влијание врз минералната густина на коските.
Ќе ви помагне во одржување на здрав крвен притисок и ниво на холестерол
Редовното трчање помага да се намали крвниот притисок во мирување, а со тоа го намалува ризикот од срцев и мозочен удар. Освен тоа, трчањето може позитивно да влијае на нивото на здрав холестерол и во исто време да ги стимулира ензимите кои помагаат да се намали количината на ЛДЛ холестерол во крвта.
Ќе го продолжите животниот век
Само 15 минути физичка активност дневно, вклучително и џогирање, може да го зголеми нашиот животен век и да го намали ризикот од смрт
