Во Велика Британија започна тестирањето на вакцина која го уништува ракот
Вакцината која уништува многу видови на рак во завршната фаза ќе биде тестирана во Велика Британија.
Со тестирањето на имунотерапијата ќе биде установено дали вакцината базирана на фрагментите на клучниот протеин на ракот, ефикасно ќе делува и ќе го стимулира имунитетот на организмот да ги уништи нездравите ќелии.
„Со ова ги поместуваме границите кога станува збор за потенцијален третман на ракот”, изјави министерот Џорџ Фриман.
Научниците од Институтот за истражување на ракот во Суреј, собираат пациенти заболени од рак на кои не им помагаат актуелните методи на лечење. Двајца пациенти веќе добија вакцина во рамките на експериментот, кој ќе трае две години.
Имунотерапијата привлекува голем интерес во заедницата која го проучува ракот. Во февруари американските експерти објавија дека виделе одлични резултати при раните тестирања на пациентите заболени од леукемија.
