„Може да убиеме 100 Палестинци во една ноќ – никому не му е гајле“
Пратеник од израелскиот парламент и претставник на радикално десничарската ционистичка партија, Зви Сукот, неодамна изјави во живо на телевизија дека Израел убил повеќе од сто жители на Газа во текот на една ноќ и дека никому не му е гајле.
За време на дебатата на израелскиот Канал 12 , Сукот изјави дека израелските безбедносни сили се способни да дејствуваат во повеќе сектори истовремено и да користат сила каква што не можел ни да замисли кога оваа влада беше формирана пред повеќе од две години.
„Синоќа беа убиени речиси 100 жители на Газа. А прашањето што ми го поставивте нема никаква врска со Газа. Дали знаете зошто?
Затоа што никому не му е гајле. Сите веќе се навикнати на фактот дека можеме да убиеме 100 луѓе во Газа за една ноќ среде војна, а никому не му е гајле“, рече Сукот, очигледно алудирајќи на фактот дека развојот на настаните во војната, кои некогаш ќе предизвикаа голема врева и во Израел и во светот, сега минуваат без никаква значајна реакција, објавува „Тајмс оф Израел“.
“Tonight we killed nearly 100 people from Gaza, and no one cares.”
Tzippy Scott, a member of the Israeli Knesset, said in an interview on Channel 12 that the world has become desensitised to Israel killing civilians in Gaza. pic.twitter.com/QvuqXkqQAG— Middle East Eye (@MiddleEastEye) May 17, 2025
