Русите се пофалија со својата моќ: Еве што се случува кога ќе удрат руските ракети (ВИДЕО)

Руската армија понекогаш сака да се пофали со своите оружја, а за разлика од останатите, руските сили се меѓу малкуте армии кои што и имаат со што да се пофалат.

Најновите снимки доаѓаат од воените вежби „Центар-2019“ кои што се одржуваат на југот на Русија и централна Азија заедно со армиите на Индија и Кина.

На снимките кои ги пренесува „Звезда ТВ“, најпрвин е прикажан најновиот повеќецевен подвижен ракетен фрлач „Солнцепјок“ (Огнено сонце) кој што е способен да носи по 24 ракети со разорна моќ. Неколку вакви ракетни фрлачи ги лансираа своите ракети на воените вежби, кои неколку километри подалеку разорија огромна површина.

На другата снимка, руската армија прикажа како функционираат нивните специјални возила за расчистување на мински полиња „УР-77 Метеорит“ кој што исто така го носи и името „Змеј Горињич“ по троглавиот змеј од старословенскиот фолклор.

Ова оружје делува така што лансира долга линија на експлозив наменет за чистење на мини. Кога експлозивот се активира, од силната детонација се активираат сите мини, а тоа, секако, резултира со спектакуларен „огнен ѕид“.