Мали хумани херои – Петгодишната Андреа од Струга собра 8.000 денари помош за болниот Стефан од Скопје

Петгодишната Андреа Костовска од Струга собра 7.912 денари во својата хуманитарна акција за Стефан Ивановиќ од Скопје.

Малечката Андреа деновиве продаваше ладни сокчиња за топли срциња во чаршијата во Струга, а собраните пари ќе бидат уплатени на сметката на Стефан кој боледува од церебрална парализа.

Стефан Ивановиќ боледува од тешка болест, а живее без струја, бидејќи долгот од 4.000 евра, не може да го плати. Тој од неодамна живее и без својата мајка која починала пред еден месец.

Секој денар е добредојден за Стефан. Ако сакате и можете да му помогнете неговата сметка е: Стопанска Банка: 20002892730306 ( мкд сметка) Iban: Mk07200003261742653 SWIFT-STOBMK2X Стефан има потреба и од малку храна претежно сува бидејќи нема каде да готви. Кој колку може нека помогне. Стефан може да го добиете на 072/512457.