Жешки Балканки напаѓаат на Фејсбук: Внимавајте да не станете цел на овие „госпоѓи“!

Доколку ви стигне барање за пријателство од разголена постара госпоѓа која не ја познавате, немојте никако да го прифатите. Станува збор за класична Фејсбук измама на која изминатиов период мета и се мажите ширум регионот.

– Бев зачуден кога добив барање за пријателство од средовечна дама која на профилната фотографија седи во провокативна поза. Слично барање доби и мојот пријател, а тогаш седнавме и ги поврзавме работите и ни стана јасно дека и едната и другата “дама“ имаат по неколку илјадници пријатели и дека двете се “вработени“ во познати компании, раскажал за српски Телеграф Белграѓанецот Јован С., кој се соочил со оваа најнова Фејсбук измама.

Во прашање е класична Фејсбук измама со поврзани профили, а освен фкатот дека речиси сите овие  дами се меѓусебни “најдобри пријателки“, интересни се и коментарите под нивните фотографии, каде освен пофалби дека се “секси“ и “екстра“ има и објаснување како со нив најдобро се доживува оргазам.

Тоа на што треба да внимавате е кога преписката со овие “секси дами“ премине во инбокс и кога многу брзо од нив почнуваат да пристигнуваат барања. Финалното барање е од финансиска природа или обид да се извлече некој личен податок, кој подоцна може да се наплати. Кога ќе дојде до тоа – веднаш бегајте и блокирајте ја “госпоѓата“ колку и да е секси.