ВИДЕО: Сите жртви од нападот во Лондон се муслимани – напаѓачот викал „Сакам да ги убијам сите муслимани“

Сите жртви од нападот што се случи покрај џамијата во лондонската населба Фајнсбури Парк се муслимани, изјави претставникот на противтерористичката единица на лондонската полиција Нил Басу.

– Инцидентот ги има сите карактеристики на терористички акт – нагласи Басу. – Сè уште не е познато дали смртниот случај покрај џамијата  е последица од нападот со комбито и кои се мотивите за нападот – додаде тој.

Комби, управувано од 48-годишен маж, удри во толпа луѓе што заминувале од џамијата по ноќните молитви. Сведоците велат дека напаѓачот викал „Сакам да ги убијам сите муслимани“.

При нападот загина едно лице загина а десетмина се повредени.