Uncategorized
(ВИДЕО) Ајкула во аквариум пред публика изеде друга ајкула
Ајкула тигар долга 2,2 метри во аквариум пред многубројни посетители во Сеул, изеде друга ајкула долга 1,2 метри.
Двете ајкули пливале заедно во аквариум кога во еден момент едната ајкула наеднаш без никакво најавување ја изеде другата ајкула. Вработените во аквариумот тврдат дека ајкулата тигар во наредните недели ќе ја исфрли изедената ајкула бидејќи нема да успее целосно да ја свари
Нема подобар приказ на животинскиот инстинкт на ајкулите, од оваа случка во јавен аквариум во Сеул кога голема ајкула ќе ја изеде помала, велат експертите.
Тие, редовно ги хранат ајкулите така што не станува збор за јадење од глад. Според одговорните од аквариумот, напад и загризување се случува ретко, кога една ајкула ќе излезе од својата територија, а ќе влета во територија што и припаѓа на друга. „Ајкулата тигар најверојатно ја бранела својата територија и поради тоа ја нападнала и изела другата помала ајкула“, кажа еден од вработените во аквариумот.
