Три деца бомбаши- самоубијци убија шест лица, 24 се ранети
Три деца, кои на себе носеле експлозив, се саморазнеле крај еден контролен пункт во североисточна Нигерија, при што убиле шест лица, а раниле најмалку уште 24 други, соопшти денеска нигерската армија.
Армискиот потпарол Сано Кукашека Усман изјави дека децата бомбаши-самоубијци, кои биле на возраст меѓу 10 и 15 години, нападот го извршиле синоќа на контролниот пункт во Бенишеик, град во североисточната покраина Борно.
Усман додаде дека војската вчера во операција во истата покраина убила најмалку 12 припадници од терористичката група Боко Харам.
Од почетокот на дејствувањето на Боко Харам, пред шест години, во напади извршени од нејзини припадници загинаа околу 20.000 луѓе, додека 2,3 милиони беа принудени да ги напуштат своите домови, покажуваат податоците на „Амнести Интернешанл“ и ОН.