Света Кирана Солунска – Голема светлина блеснала во затворот, која го опкружувала телото на маченичката

Света Кирана Солунска

Света Кирана се родила во првата половина на 18 век, во солунското село Ависона, во семејство на благочестиви христијани. Како убава девојка, една група јаничари ја грабнале и ја однеле во Солун, кои лажно тврделе дека Кирана се согласила да ја прими нивната вера. Кирана смело и непоколебливо одговорила дека таа не сака да се потурчи. Поради тоа, ? биле ставени окови и била фрлена во затвор. Командирот на затворот им разрешил на јаничарите да влегуваат во ќелијата на Кирана и да ја измачуваат како што ќе посакаат. Така, еден ја тепал со дрво, друг со нож, трет со клоци, с? додека не ја оставиле полумртва. На тој начин била измачувана една седмица. На седмиот ден, на 28 февруари, издивнала. И тогаш се случило чудо: голема светлина блеснала во затворот, која го опкружувала телото на маченичката и се разлевала низ целиот затвор. Наредниот ден им било разрешено на христијаните да го земат нејзиното тело. Ја погребале надвор од градот, во христијанските гробишта.