Швајцарија конфискува пари и вредни предмети од бегалци за да покрие трошоци за нивни престој
Бегалците кои пристигнуваат во Швајцарија треба им предадат на властите пари и вредни предмети за да помогнат во финансирањето на својот престој, јави телевизијата Ес-Ер-Еф.
Медиумот покажа документ која сириски бегалец ја добил од властите кога требало да предаде половина од парите што ги имал кај себе. На документот што го пополнуваат бегалците пишува: – Ако имате вредни предмети над 1000 швајцарски франци (или пари) кога пристигнувате во прифатен центар за бегалци должни сте тие средства да им ги предадете на властите.
Претставник на организацијата за помош на бегалци од Швајцарија го оквалификува тоа како „недолично“ и нагласи дека таквите правила треба да се променат.
Швајцарските миграциски власти наведуваат дека законот бара од кандидатите за азил и бегалците да придонесат кога е можно, да се покријат расходите за нивниот престој.
– Ако некој се врати доброволно за седум месеци, ќе ги добие назад парите. Во спротивно – парите се употребени за расходи на тоа лице, изјави портпаролка на Државниот секретаријат за миграција.
