Лаверн Спајсер, американска политичарка од редовите на републиканците, го спореди случајот на Косово со случувањата во Украина.
Таа преку Твитер праша зошто општиот став е дека Србија треба да се откаже од Косово, а дека Украина не смее да препушти ни дел од својата територија.
„Зошто Србија мораше да се откаже од Косово, а Украина не мора да предаде ни дел од територијата?“, праша Спајсер.
Неколку корисници на Твитер ѝ одговорија дека Србија не ја признава еднострано прогласената независност на Косово и Метохија.
Постојаниот претставник на Русија во Обединетите нации Василиј Небензја ги потсети неодамна западните колеги на седницата на Советот за безбедност дека одлуката за независност на Косово е донесена без каков било референдум и истакна дека тие сега покажуваат двојни стандарди, не признавајќи ја волјата на регионите Доњецк, Луганск, Херсон и Запорожје.
