Свет
Тројца Авганистанци се удавија во Сува река
![](/wp-content/uploads/2016/03/migranti123.jpg)
Тројца мигранти од Авганистан рано изутрината околу 3 часот и 30 минути се удавија во надојдената вода на Сува река откако илегално ја поминале македонско-грчката граница во близина на селото Моин, соопштија од Центарот за управување со кризи.
Групата Авганистанци броела 26 членови, од кои останатите се спасени од македонските безбедносни сили што ја контролираат македонско-грчката граница.
Сите тие, според информацијата што ја соопшти раководителот на ПТЦ Гевгелија Зоран Лазаревски, се чувствуваат добро и се сместени во гевгелискиот прифатен центар.