Во Скопје и Тетово уапсени членови на ИСИС

Утрово во акција се уапсени три лица од Скопје и едно од Тетово поранешни припадници на ИСИС, а три лица се недостапни на органите на прогонот.

Како што информираат, надлежен јавен обвинител од Основното јавно обвинителство за гонење организиран криминал и корупција донесе Наредба за спроведување истрага за седум лица – припадници на ИСИС. На осомничените им се става на товар кривичното дело – Терористичка организација по чл.394-а ст.2 од Кривичниот законик.

Надлежниот обвинител, ценејќи дека се исполнети законските основи до судијата на предходна постапка при Основниот суд Скопје 1 – Скопје предложи на осомничените да им се определи мерка притвор.