ВМРО-ДПМНЕ: Во Старата скопска чаршија урнат споменик на културата, се гради дивоградба

Објавено: недела, 18 декември 2022 во 15:25
Spread the love

Во Старата скопска чаршија урнат објектот „Шар“ кој беше споменик на културата под заштита и на негово место се гради нов објект обвинија денес од ВМРО-ДПМНЕ.

– Објектот „Шар”, лоциран во Старата скопска чаршија, е срушен до темел, а во моментов на негово место никнува нов објект, без соодветно означена информација, којашто задолжително треба да се истакне на самата градежна парцела, истакнуваат од ВМРО-ДПМНЕ.

Од партијата ги повикаа сите надлежни субјекти да одговорат за какви градежни активности станува збор, имајќи предвид дека овој објект е во сопственост на Република Македонија и споменик на културата под заштита.