Темната страна на Давос: Проститутки, кокаин, кавијар, скап шампањ на тајни „бунга бунга“ забави

Еднаш годишно, глобалните елити од сите сектори присуствуваат на петдневна конференција во завеаниот од снег град Давос, Швајцарија, која по напорна работа се надополнува со кавијар, шампањ и секакви разврати, пишува Дејли мејл во својот коментар, а пренесува српски Блиц. Учесниците не само што разговараат за глобалните конфликти, економијата и еволуцијата на технологијата, туку и се поврзуваат едни со други и градат деловни мостови на вечери и забави и зад сцената на форумот.

Извршни директори и достоинственици разговараат и се дружат а околу себе имаат кавијар, шишиња шампањ од 1.000 долари и раскошни забави на кои само светската елита може да добие покана.

– Речиси можете да ја почувствувате магијата на местото кога сте таму. Секој има агенда и никогаш не знаеш на кого ќе налеташ кога ќе излезеш од бањата. Може да биде и Бил Гејтс, изјави едно лице за „НИПост“, кое често го посетува форумот.

– Вие сте околу некои од најпаметните луѓе на светот, но едно нешто што го учите е дека тие не се секогаш толку паметни, вели тој.

– Никогаш не ја напуштив планината без да научам нешто важно или да стекнам нов пријател, вели основачот и претседател на „Skybridge“, Ентони Скарамучи.

Скарамучи, кој со години присуствуваше на Давос, приредува винска вечера во хотел за време на конференцијата каде шишињата вино и шампањ ќе чинат речиси 1.000 долари по шише.

– Минатата година, на настани и вечери организирани по завршувањето на разговорите на гостите им беше понудено многу повеќе од алкохол на ценетите гости, пишува „Дејли мејл“.

Наводно, една компанија ѝ понудила на деловната елита микро дози од магични печурки.

Во 2016 година, пет швајцарски војници распоредени за заштита на Светскиот економски форум во Давос беа испратени дома откако беа позитивни на тестот за кокаин, соопшти швајцарската војска.

Уште седуммина беа дисциплинирани поради консумирање канабис, откако сите 12, кои се враќале од отсуство, конзумирале и алкохол.

– Сите 12 војници конзумирале канабис, а пет од нив дополнително конзумирале кокаин, изјави тогаш портпаролот на швајцарската армија Стефан Холдер.

Во Давос има и други различни забави. „Дејли Мејл“ потсетува дека минатата година беше објавено дека сексуалните работнички кои се спуштиле во снежниот швајцарски град наплаќале по 2.500 долари од ноќ за нивните услуги за време на форумот.

Тајните коктел забави со кавијар, приватни вечери со милијардери или вечер на танцување ќе бидат начинот на кој елитите ги поминуваат вечерите во релаксација.

На елитниот, снежен настан, секој мора да носи обоени беџови со нивните имиња. Но, дури и шемите на бои покажуваат социјална хиерархија.

Белите значки се за врвни бизнис лидери и извршни директори – и тие се најскапи за акредитација.

Помалку важните извршни директори, шефовите, медиумите и персоналот на настанот ќе добијат значки во друга боја.