Србија го стопираше конкурсот за работа на медицински сестри во Германија
Српскиот министер за труд Зоран Ѓорѓевиќ на прес-конференцијата по седницата на Социјално-економскиот совет вчера рече дека годинашниот конкурс за медицински сестри за работа во Германија е „стопиран“ затоа што беше договорено со партнерите да не се одржи оваа година.
Тој исто така изјави дека се согласил со ставот на претседателот Александар Вучиќ дека заминувањето на медицинските сестри во Германија треба да се запре.
На прашањето за објавување на новиот конкурс на Националната служба за вработување за заминување во Германија, Ѓорѓевиќ рече дека истиот е стопиран и дека нема да има повеќе таков.
Тој прецизираше дека е договорено да не се спроведува конкурс оваа година и дека следната година ќе се разгледува раскинување на договорот со Германија.
Министерот изјави дека некој претходно потпишал ваков штетен договор со германските претставници.
