Саем на книгата, Скопје травел маркет и Денови на образование и кариера

Објавено: вторник, 28 март 2017 во 11:21
Spread the love

На Скопски саем од 4 до 10 април ќе се одржуваат 29. Меѓународен саем на книгата, 20. Меѓународен саем за образование и кариера и Скопје травел маркет.

Саемот на книгата ќе понуди дела од домашни и странски автори, современи и класични, стручна, научна и белетристичка литература, учебници и училишни прирачници, енциклопедии и книги од областа на културата и уметноста.

Саем - Денови на образование и кариера 2017

Манифестацијата „Денови на образование и кариера“ на едно место ги обединува сите државни и приватни високообразовни институции од земјата и странство кои пред посетителите ќе ги претстават додипломските и постдипломските студиски програми, институциите и компаниите кои имаат програми за студирање со стипендии и кредити, компании кои нудат професионална пракса за студентите, како и компании кои нудат вработување на квалификуван кадар на соодветни работни позиции.

На Скопје травел маркет, пак, ќе биде промовирана туристичката понуда.

Саем травел 2017

Саемите ќе бидат отворени од 10 до 20 часот, а цената на влезницата за сите посетители е 30 денари.