Пиеењето газирани пијалоци допридонесува за ќелавост и рак
Голем број мажи доживуваат опаѓање на косата, а најновото истражување покажа дека прекумерното консумирање засладени пијалаци може да доведе и до ќелавост.
Студијата беше спроведена од научници од Универзитетот Цингхуа во Пекинг. Учествуваа повеќе од 1.000 мажи (од јануари до април 2022 година) на возраст од 18 до 45 години. Биле споредени нивните животни навики и опаѓањето на косата.
Откри дека опаѓањето на косата е дури 30 проценти почеста кај оние мажи кои пиеле барем еден засладен пијалак како што се газиран пијалак, енергетски или спортски пијалак, засладено кафе или чај секој ден (вкупно помеѓу еден и три литри неделно).
Дополнително, оние кои пиеле повеќе од еден засладен пијалак дневно имале уште поголема веројатност да доживеат губење на косата. Тој ризик бил дури 42 отсто поголем во споредба со оние кои ги консумираат овие пијалаци ретко или воопшто не ги консумираат, пренесува Глорија.
И други проблеми
Истражувањето објавено во списанието Гут откри застрашувачка врска помеѓу засладените пијалаци и ракот на дебелото црево. Утврдено е дека жените кои пијат два или повеќе сокови засладени со шеќер секој ден го удвојуваат ризикот од рак на дебелото црево пред да наполнат 50 години.
Пијалаците засладени со шеќер и спортските и енергетските пијалаци полни со шеќер претставуваат значајна закана, покажа студијата.
Научниците следеле 95.464 учесници во текот на 24 години, земајќи ја предвид нивната семејна историја на рак на дебелото црево, начинот на живот и она што го јаделе и пиеле.
Експертите заклучиле дека консумирањето на засладени пијалаци може значително да придонесе за ран почеток на рак на дебелото црево. Се додава дека намалувањето на внесот и/или негово заменување со други поздрави пијалаци кај адолесцентите и младите возрасни лица може да послужи како потенцијална стратегија за ублажување на растечкиот проблем со рак на дебелото црево пред 50-тата година од животот.
