Унгарскиот премиер Виктор Орбан го поддржа Милорад Додик во трката за претседател на Република Српска на претстојните избори на 2 октомври.
Во краткото видео обраќање, Орбан ја нарече Република Српска „почесен сосед“ на Унгарија, додавајќи дека „отсекогаш го познавал Додик и сака да продолжи да соработува со него.
– Се надевам дека по изборите ќе имам можност да го сторам тоа. Господ да ги благослови сите Срби на целиот Балкан, рече Орбан.
Тој рече и дека претстојат важни избори во РС, дека добро го познава Додик, кој, како што истакна, е добар пријател на Унгарија и на унгарскиот народ.
Тој додаде дека во Додик се сретнал со човек „кој е подготвен да го зачува мирот, кој е отворен за дијалог, кој се залага за почитување на Дејтонскиот договор, кој секогаш и во сите околности ги штити интересите на српскиот народ“.
– Унгарија и Србија се соседи, но Унгарија ја смета и Република Српска за свој почесен сосед. Затоа за нас е многу важно ова што се случува во вашата земја, рече унгарскиот премиер, кој во своето обраќање не ја спомена Босна и Херцеговина, од која РС е еден од двата ентитета.
На изборите на 2 октомври Додик е кандидат за претседател на РС, а негов главен ривал е кандидатката на опозицијата Јелена Тривиќ од Партијата за демократски напредок (ПДП).
