Надзорна камера го сними моментот на смртоносната експлозија во Истанбул (ВОЗНЕМИРУВАЧКО ВИДЕО)

На социјалните мрежи е објавено вознемирувачко видео од надзорна камера на која се гледа местото и моментот на смртоносната експлозија во Истанбул. Иако веднаш по експлозијата почнаа да кружат гласини дека бомбаш-самоубиец е одговорен за експлозијата, на видеото се гледа дека торба била оставена на авенијата Истиклал, на плоштадот Таксим која во моментот на експлозијата била полна со туристи и локални жители.

Турските медиуми објавија фотографија од жена која можеби учествувала во експлозијата во Истанбул во која загинаа најмалку шест лица. Според новинарите, токму таа го оставила пакетот во централната улица Истиклал, кој подоцна експлодирал.