Јавно ги тепаат поради коцкање, прељуба и алкохол

На централниот плоштад на главниот град на провинцијата Ачех на крајниот запад на Индонезија минатиот викенд биле извршени казните на јавно тепање со стап на 16 лица кои ги прекршиле одредбите на шеријатското право.

Ова право во доминантно со муслимани населената Индонезија важи само во провинцијата Ачех, промовирано во 2014 година. Локалните власти не обрнуваат внимание на критиките од страна на централните власти и организациите зачовекови права.

Од обвинетите десет лица фатени во коцкање добиле по два удари со бамбусов стап, иако првата казна им била осум удари. Потешко минале 6 љубители на алкохол, кои добија по 40 удари. По десет удари, поради љубовна врска која не била официјализирана, добиле студент на 21 и студентка на возраст од 19 години. Казнетите биле притворени од пет до осум месеци пред да бидат изнесени за тепање на улица.

На извршувањето на казната за прекршување на шеријатското право присуствувала политичката елита на провинцијата Ачех и десетици илјади жители на провинцијата. Барем за јавноста, функционерите и дел од анкетираните сведоци на тепањето изјавиле дека тоа е корисна воспитна мерка, бидејки тие што виделе „како работи стапот“ потешко ќе се одлучуваат да ги прекршуваат конзервативните правила на исламот.