Избрана е новата Мис на САД (ФОТО)

Новата Мис на Соединетите Американски Држави е Р’Бони Габриел, која ја претставуваше државата Тексас на натпреварот.

Мис САД 2021 Ел Смит вчера вечер ја круниса Р’Бони на сцената во одморалиштето и казиното Гранд Сиера во Рено, Невада.

Р’Бони ќе ги претставува САД на изборот за Мис Универзум на 14 јануари 2023 година во Њу Орлеанс.

Како што објави ABC News, 2022 година беше првата година кога Тексас е претставен на изборот за Мис на САД од жена со азиско потекло.

Р’Бони дипломирала на Универзитетот во Северен Тексас со диплома за моден дизајн. Сега работи како дизајнер која создава еколошка облека и како манекенка. Нејзините хоби вклучуваат винтиџ шопинг, јога, скицирање и хула-хопинг.