Фрчкоски гласаше воздржано за итно примирје во Газа, народот бара објаснување од министерот Бујар Османи
Генералното собрание на Обединетите нации усвои резолуција со која се повикува на итно хуманитарно примирје во појасот Газа, но Македонија беше воздржана. Резолуцијата која беше предлог на Јордан, е усвоена со 120 гласа „за“ , со 14 “против“ и со 45 „воздржани“ . Македонија беше меѓу земјите кои се воздржаа за резолуција со која се осудуваат сите акти на насилство против палестинските и израелските цивили, како и терористичките и неселективни напади, а исто така се повикува на непречена помош и заштита на цивилите, пренесува А1он.
Претставник на Македонија во Обединетите нации е професорот по право и поранешен министер за внатрешни работи, Љубомир Фрчкоски. Амбасадорот за својата работа одговара директно пред министерот за надворешни работи, Бујар Османи кој треба да објасни зошто нашата земја одлучи да биде воздржана за резолуција со која се поддржува хуманитарно примирје и испраќање на итна помош, пишува А1он.
„Фрчкоски да објасни зошто гласаше Македонија да биде воздржана за мир“, „Македонскиот народ е за мир“, „Ако власта е за војна и убивање нека одат таму“, се дел од реакциите на гневни граѓани на социјалните мрежи по одлуката на Македонија.
