ФОТО: Девојче со леукемија донира 1.300 играчки за деца болни од рак
Објавено:
четврток, 24 декември 2015 во 21:24
Осумгодишно девојче со леукемија го одушеви светот со својот гест. Таа барем за момент заборави на својата болест и израдува деца кои водат тешка борба со ракот.
Малата Сејди организира добротворна акција за да собере подароци за болни дечиња кои се принудени да го поминат Божиќ во болница.
Со помош на мајка си, Сејди ја започна акцијата „Sadie’s Sleigh“ (Санката на Сејди).
Нејзината несебична постапка резултираше со околу 1.300 донирани подароци кои ќе измамат насмевка на лицата на многу болни деца.
Целта на Сејди била да собере 300 играчки, но на нејзина голема радост, добродушни лица донирале речиси 1.300 подароци.
