Ако се пронајдеш во овие примери, ти си зависен од твојот мобилен телефон

Во продолжение неколку јасни знаци на опседнатост со мобилните телефони, со предупредување дека таквото однесување може и тоа како да ги наруши односите со другите луѓе.

Само преку телефон

Ако дружењето во живо со пријателите ти се чини како далечно минато, имаш проблем. Телефонските разговори, четот, Фејсбукот и Твитерот никако не смеат да бидат единствен начин на поврзување со нив.

Во тек на вечера

Нема ништо поиритирачко од ситуација во која седнуваш со пријателите на кафе, ручек или вечера и почнеш да „го чепкаш“ по мобилниот. Со тоа на луѓето им покажуваш дека мобилниот ти е поважен од нив, а кој сака да се дружи со такви луѓе?

Важни разговори

Посебно иритира кога пријателот или партнерот сакаат да се доверат за некој проблем, без разлика дали тоа те интересира или не, а ти гледаш во екранот на својот мобилен телефон. Мобилниот сигурно ќе направи да пропуштиш делови од разговорот, кои можат да бидат многу важни, а токму така луѓето се оддалечуваат.

Нормална интеракција

Некои луѓе толку се вовлекуваат во виртуелниот свет, што почнуваат да забораваат како нормално се комуницира со другите. Разговорите стануваат бавни и чудни, а често луѓето имаат и тенденција да се издвојат од групата, за да се посветат на својот мобилен телефон.

Арогантност

Можеби тоа не го гледаш, но животот во виртуелниот свет, во некои ситуации ќе те направи незаинтересирано и арогантно лице, а ништо од тоа нема да биде добро за твоите односи со другите.