Обид за опожарување на црква, втор напад на православен верски објект неделава

Непознати сторители ја оштетиле внатрешноста на црква во долнореканското село Требиште и имало обид да се предизвика пожар во објектот, информираат од полицијата.

Според СВР Тетово, вчера утрото околу 9 часот, Н.Р. (60)од Скопје пријавил дека со употреба на сила било влезено во црквата „Свети Ахилиј Ларински“. Тој забележал дека се  причинети повеќе оштетувања, а имало обид да се предизвика пожар во внатрешноста на објектот.

Извршен бил увид и се преземаат мерки за расчистување на случајот.

Вчера во 10.50 часот во СВР Битола, Б.Б.(61) од Битола пријавил дека ноќта на 15/16.08.2022 бил оштетен крстот во дворот на црквата „Св. Ѓорѓија” во с.Пресил.

Полициски службеници излегле на местото на настанот. Се преземаат мерки за расчистување на случајот.