Заради дрогата останав без фамилија, почнав со трева подоцна апетите пораснаа

Скоро 2.000 зависници годишно во БиХ одат на лечење, односно одвикнување од тешки дроги. Дел од тажната статистика е и 38-годишниот маж од Бугојно, кој се согласил за Аваз да го раскаже својот пеколен пат.

Запалил џоинт
На почетокот, вели тој, започнало кога тој завршил средно училиште, кога со пријателите запалил марихуана (џоинт).

– Сите пушеа трева, ајде си реков и јас. Во меѓувреме отидов во војска, таму, исто така, користев дрога. Како проаѓаше време, растеа и апетитите. Сакав да пробам нешто посилно. Прво тоа беа екстазите, потоа спид, а на крајот се префрлив на хероин, кој го користам со години – рекол тој.

Не крие дека до хероинот не е лесно да се дојде, бидејќи е скап, а тој немал постојана работа, па работел се и сешто. Кризата би го преземала, но завршувал и во затвор.

– Почнав да мамам, крадам, правам проблеми. Заради кражба бев шест години во затвор. Верувајте, знаев да ги продадам сите работи од станот за да купам дрога, останати беа само ѕидовите. Не можев да функционирам без хероин, ниту да дозволам да паднам во криза, вели тој и дополнува дека бидејќи заради дрогата ја изгубил фамилијата, животот, здравјето, не крие дека се кае што имал таков животен пат.

Изгубил се
– Ја изгубив работата, вербата во луѓето. Буквално изгубив се живо. Сега сум на лечење во Зеница и се надевам дека ќе успеам. Фамилијата не ми верува, иако се покрај мене, но јас ќе се потрудам овој пат да истраам – вели мажот.

Тој вели дека е важно на младите луѓе да им се порача дека во животот има толку убави и добри работи, дека дрогата е само моментално задоволство, кое носи бројни проблеми и остава трајни последици.

Безуспешни обиди на лекување
Мажот истакнува дека зависноста на почетокот ја криел од фамилијата, а кога тоа го дознале, тие биле шокирани.

– Не можеа да веруваат. Ми помогнаа да се решам од тој наркомански живот, но џабе. Секогаш се враќав на дрогирањето. Пробав да се лекувам, бев во 2005 година на детоксикација во Сараево, но без резултати. Секогаш се враќав на дрогата. Сега е различно, решен сум да се излечам – вели тој.