Србин, Русин и Мексиканец фатени со 800 килограми кокаин (ФОТО)

Во голема меѓународна полициска акција во близина на Азорските острови во Аталнскиот океан, беа запленети 800 килограми кокаин, а на некои од вреќите со дрога отшампани се фотографии од Гаврил Принцип.

Уапсени се државјани од Мексико, Емануел Алехандро Ацевес Куевас, државјанин на Русија, Сергеј Расокхин и државјанин на Србија, Владислав Фунштајн.

Во Србија уапсени се татко и син, Мирко и Драган Ѓанковиќ. Фунштајн инаку пред три години бил уапсен и во Хрватска со група која шверцала повеќе од 100 килограми марихуана.

Кокаинот го запленила полицијата на Шпанија на основа на оперативни информации кои им ги доставиле припадниците на Службата за борба против организиран криминал на Министерството за внатрешни работи на Република Србија.

Припадниците на оваа организирана криминална група се товарат дека во повеќе наврати патувале во земја во Латинска Америка, каде вршеле подготовки за преземање и криумчарење кокаин.

Постои сомнение дека за потребите за транспорт на кокаин купиле едрилица на која во Мкесико извршиле неопходни преправања во конструкцијата на шуплините на пловилото.

На осомничените кои се уапсени во Србија им е одредено задржување до 48 часа и тие, со кривична пријава, биле приведени во Обвинителството за организиран криминал.