Се упокои игуманијата Марија од манастирот во Кучевиште: Имала голема желба да го посети Острошкиот манастир, кога и понудиле да појде рекла, „А манастирот кој ќе го чува, не можам да го оставам ни ден!“
„Се упокои во Господа игуманија Марија од манастирот Свети архангел Михаил село Кучевиште (06.08.2025).
Тоа што можеме ние да кажеме за Мајка Марија е дека беше вистински воин Христов, преку 50 години единствена монахиња во манастирот, што воедно ја правеше и монахиња со најдолг стаж во МПЦ-ОА во поновата историја.
Големо влијание врз нејзиниот монашки живот имаше оставено св. Гавриил Светогорец со кого ќе се познавала и лично. Не сакаше неправди и многу се радуваше на монасите.
Имаше голема желба да појде да го посети Острошкиот манастир, а кога еднаш и понудивме да и помогнеме да појде таму, бурно ни одговори: А манастирот кој ќе го чува, не иде тоа, не можам да го оставам ни ден!“, сведочи Роберт Вукелиќ админот на групата ☦️Православни вести и патувања – Orthodox news and travel.
