Прегазен малолетник на пешачки во скопски Карпош, на местото каде беше усмртен велосипедист

Прегазен е малолетник на пешачки во Скопје, поточно на булевар „Партизански одреди“. На ова место, пред две години, беше усмртен велосипедист.

– На 19.06.2023 околу 21.10 часот во СВР Скопје било пријавено дека на бул.„Партизански одреди“, патничко возило „сузуки свифт“ со скопски регистарски ознаки, управувано од Е.А.(22) од Скопје, удрило во малолетен пешак од Скопје, информираат од МВР.

По несреќата, малолетникот бил префрлен во Комплекс клиники „Мајка Тереза“ каде од лекар му се констатирани тешки телесни повреди.

Увид на местото на настанот извршила екипа од СВР Скопје.