Правосудство: СЈО води истрага за Орце Камчев

Специјалното јавно обвинителство отворило истрага која се однесува на продажбата на земјиштето спроти „Рамстор“, во центарот на Скопје, а како осомничен се води сопственикот на „Орка холдинг“, Јордан Камчев, пренесе Правосудство.мк, повикувајќи се на свои извори.

Според информациите, СЈО веќе доставило барања до редовните обвинителства за предавање на веќе отворени предмети, а во кои тие или не постапувале или носеле одлуки со кои само формално констатирале дека во купувањето на земјиштето зад „Рамстор“, во 2007 година, немало ништо незаконски.

Од СЈО веќе ги информирале редовните обвинителства дека тие веќе оформирале предмет кој се однесува на продажбата на земјиштето и дека зад продажбата се криел токму бизнисменот Орце Камчев.