Папата: Абортусот никогаш не може да биде одобрен, дури и ако фетусот е тешко болен

Папата Франциско за време на конференција против абортусот, рекол дека абортусот никогаш не може да биде одобрен, дури и ако фетусот е тешко болен или деформиран.

Тој за време на приемот, кој го спонзорирал Ватикан, ги повикал лекарите и свештениците да ги поддржат семејствата да ги износат таквите бремености и рекол дека противењето на абортусот не е религиозно туку човечко прашање.

„Дали е дозволено да се отфрли живот за да се реши проблемот? Дали е дозволено да се изнајми убиец за да се реши проблемот?“ рекол папата.

Тој ја осудил одлуката за прекин бременоста на основа на пренатално тестирање, нагласувајќи дека човечкото битие никогаш не е неспоиво со животот.

Иако силно зборувал против абортусот, папата изразил симпатии кон жените кои имале абортус и им олеснил да добијат прошка.