Општина Бутел го вработи Марио кој освои бронзен медал на специјалните олимписки игри

Градоначалникот на општина Бутел, Дарко Костовски информира дека го вработил во локалната самоуправа, Марио Мицковски освои бронзен медал на Специјалните олимписки игри што се одржуваат во Берлин пред еден месец.

– Големата желба на Марио која ми ја посочи во неговиот дом, а тоа е да работи со спорт, од денес е реалност. Марио е наш колега и ќе работи во одделението за јавни дејности во делот на спорт и спортски настани, информира Костовски.

Костовски кажа дека ова му е еден од најсреќните денови затоа што Марио ќе биде дел од неговиот тим во иднина.

– Марио е момче со големо срце. Упорноста и неговото храбро срце буткаат големи препреки, ја прават Македонија горда и директно допринесуваат Општина Бутел да остане најспортска општина во државата, објави градоначалникот.