На Халкидики пронајден гроб за кој се претпоставува дека е на Аристотел

Гробот на влијателниот антички филозоф Аристотел најверојатно е пронајден во северна Грција, соопшти денеска грчкииот археолог денеска Костас Сисманидис.

– Има силни индикации дека го откривме неговиот гроб, нагласи Сисманидис во обраќање на една меѓународна конференција во Солун.

Како што јави ДПА, според  Сисманидис, посмртните останки на Аристотел најверојатно се наоѓаат во неговото родно место во античкиот град Стагира во источниот дел на полуостровот Халкидики.

– Тогашните жители на Стагира ги однеле посмртните останки на филозофот во неговото родно место по неговата смрт во 322 година п.н.е. во јужниот град Халкида, објасни Сисманидес.