Милановиќ: Или Русија ќе победи или ќе биде соборен Путин
„Русија не смее да ја загуби војната, не може да си го дозволи тоа, има огромна енергија и ресурси да победи во војна против речиси секого и тие се таму како нуклеарна сила. Единствениот начин што го гледам дека може да стави крај на оваа агресија против Украина е промена на власта во Русија”.
Ова денеска пред студенти во Сплит го изјави хрватскиот претседател, Зоран Милановиќ, кој притоа рече дека единствен начин да се запре агресијата врз Украина е да има промена на власта во Москва или Русија да победи во оваа војна.
Меѓутоа, рече тој, низ историјата имаме искуство како изгледа кога се менува власта во Москва.
-Како ќе заврши војната? Значи Русија мора да ја добие војната, од нивна визура таа мора да ја добие. Единствен начин да не ја добие е да ја сменат власта, а тоа нема да се случи без договор на САД, Велика Британија и Русија. Без нив нема договор, изјави Милановиќ.
