Мигранти се тепале со летви и камења во Загреб (ВИДЕО)
Десетина мажи, претежно млади и средовечни, тепајќи се на улица, од кои некои користеле летви и камења, во средата вечерта ги вознемириле жителите во Загреб. Дел од учесниците во конфликтот завршија во болница за лекување на повредите, а повеќето во полициска станица.
Од полициската управа во Загреб велат дека во средата околу 20 часот и 5 минути добиле пријава и по доаѓањето на местото на настанот затекнале неколку странски државјани, баратели на меѓународна заштита во Хрватска, за кои утврдиле дека меѓусебно се судриле.
Освен што викале и пцуеле, користеле и дрвени летви и камења, па тројцата баратели на азил завршиле во КБЦ Ребро, каде им биле констатирани полесни повреди, пренесува Јутарњи лист.
„Во службените простории на полицијата за кривична истрага се донесени шест лица кои потоа со обвинителен акт се доведени до надлежниот суд за прекршоци поради сомнение дека сториле прекршок од член 6 од Законот за прекршоци против јавниот ред и мир. Исто така, во кривичната истрага било утврдено дека еден од тројцата повредени, 30-годишен маж, бил удрен со дрвена летва во главата. Со преземените дејствија, полициските службеници го утврдиле идентитетот на лицето кое е поврзано со горенаведениот, а се работи за 25-годишен странски државјанин. „Едно лице е уапсено и против него се води кривична истрага поради сомнение дека сторил кривично дело обид за нанесување тешка телесна повреда“, соопшти загрепската полиција.
