Македонските навивачи за Македонија, „Балисти“ најавија поддршка за Косово!

Македонски навивачи од повеќе спортски екипи од државава ќе бидат здружени на мечот на македонската фудбалска селекција против Косово, во баражот за Европското првенство 2020, а дуелот закажан за 26 март од 20:45 часот.

На мечот се очекува да присуствуваат Чкембари, Лозари, Војводи, Рибари, Мајмуни, Паткари, Гемиџии Гостивар, Фаланга, Лебари, Гемиџии Велес, Ултра банда, Сејмени, Улави, Ѓаоли.

Од друга страна пак, навивачите на првакот Шкендија, „Балисти“ најавија дека ќе го бодрат нашиот противник, Косово, во тој дуел.

„Балисти, со сите сили кон Скопје на арената „Адем Јашари“. Национална обврска кон албанските браќа“, соопштуваат „Балистите“.