Многу корисници на социјалните мрежи се воодушевени од откритието како да се стоплат за малку пари, во ерата на енергетска и ценовна криза што го зафаќа светот. Имено, трикот што е познат одамна ги преплави социјалните мрежи, а замрзнатите корисници тврдат дека оваа импровизирана греалка е повеќе од ефективна.
Иако постојат различни начини на кои луѓето прават грејач од теракота, тие објаснуваат дека клучот е да имате повеќе садови со различни големини. Имено, за оваа греалка се потребни свеќи, а најчесто се користат и неколку парчиња азот.
На држач одвоен од основата треба да се постави садот од теракота, превртен наопаку. Потоа врз него се става поголем сад, што помага при собирање топлина. Некои упатства советуваат и трет сад, додека некои користат само еден. Просторот под работ на садот мора да биде отворен за свеќите да имаат кислород за согорување, а теракотата ја собира сета топлина од азотот што излегува во просторот. Садовите што ја заробиле топлината потоа се загреваат и уште посилно ја зрачат во просторот, од што се воодушевени многу корисници на социјалните мрежи.
– Благодарам за овој туторијал, ме спасивте од смрзнување – напиша една од корисниците, а друг додава дека е сигурен дека ваквото греење ќе му помогне за трошоците за гас.
Еден корисник ги снимал резултатите со термална камера, почнувајќи од 22,2 Целзиусови степени и достигнувајќи до 50,6 степени во садот, докажувајќи колку топлина собира теракотата.
