Големите градови можат да бидат погодени од катастрофални поплави

По климатските промени до 2060 година повеќе од една милијарда луѓе ќе живеат во големите градови кои ќе бидат подложни на катастрофални поплави, предупредуваат британските експерти.

САД, Кина и Индија се меѓу државите кои се најзагрозени, а со најголема опасност ќе се соочат индиските градови Калкута и Мумбај, се посочува во најновата студија на британската хуманитарна организација „Христијанска помош“.

На листата најзагрозени градови, осум се наоѓаат во Азија, а потоа следи Мајами во САД.

Во извештајот се апелира владите да преземат акции за намалување на глобалното загревање и да вложат повеќе напори во превенцијата од катастрофи.